پٹنہ: ریاست بہار کے محکمہ اقلیتی فلاح کے وزیر زماں خان نے حج ہاؤس کوچنگ اینڈ گائیڈنس سیل کی مفت رہائشی کوچنگ میں جاری امتحان کا جائزہ لیا۔ اس امتحان میں 32 سو طلبا وطالبات شامل ہوئے۔ محکمہ اقلیتی فلاح کے ذریعہ چلنے والے اس سول سروسز کی مفت کو چنگ میں آج 860 طالبات بھی شامل ہوئیں۔
بی پی ایس سی کوچنگ کی سیٹ میں مزید اضافہ کیا جائے گا
وزیر زماں خان نے ایک سوال کے جواب میں انہوں نے کہا کہ 'آئندہ 5 اکتوبر کو محکمہ جاتی سطح کی میٹنگ کرکے سیٹ میں اضافہ پر غور کیا جائے گا۔ ابھی 150 سیٹیں ہیں جس میں مزید 150 کا اضافہ کرکے 300 کرنے کی تجویز ہے۔