'تیجسوی یادو کا استعفیٰ قبول نہیں ہوگا'

عام انتخاب میں کانگریس شکست کی ذمہ داری قبول کرتے ہو ئے راہل گاندھی نے کانگریس صدر کے عہدے سے استعفیٰ دے دیا ہے۔ان کے بعد بہار اسمبلی میں حزب اختلاف رہنما تیجسوی یادو نے بھی استعفیٰ کی پیش کش کی ہے۔

تاہم آر جے ڈی رکن اسمبلی بھائی ویریندر نے کہا ہے کہ ان کا استعفیٰ منظور نہیں کیا جائے گا۔

بھائی ویریندر نے کہا کہ الیکشن کے بعد اراکین اسمبلی کی میٹنگ میں ہم لوگوں نے کہہ دیا تھا کہ تیجسوی یادو نے استعفیٰ نہیں دینا ہے۔ انہوں نے مزید کہا کہ ہم لوگوں کو معلوم تھا کہ ایسے سوال ہماری پارٹی میں اٹھ سکتا ہے۔ اسی لیے ہم لوگوں نے پیش کش رکھی کہ اگر وہ استعفیٰ دیں گے توپارٹی کے 80 اراکین اسمبلی اجتماعی طور پر استعفیٰ دیں گے۔غورطلب ہے کہ عام انتخاب کی ہار کے بعد تیجسوی یادو غائب چل رہے تھے۔ مانسون اجلاس کے دوران بھی وہ اسمبلی میں موجود نہیں تھے۔ گزشتہ چار دنوں سے اجلاس چل رہاہے، لیکن وہ پانچویں دن اسمبلی میں پہنچے۔ تیجسوی کی غیر موجودگی کو لیکر لگاتار بر سر اقتدار پارٹی کی جانب سے لگاتار سوال اٹھائے جا رہے تھے۔