'بجٹ میں بہار کو نظرانداز کیا گیا ہے'

بہار کے قانون ساز کونسل کے رکن و کانگریس رہنما پریم مشرا نے مرکزی عام بجٹ کو افسوسناک قرار دیتے ہوئے کہا کہ اس بجٹ میں بہار کو نظر انداز کیا گیا ۔

پریم چند میشرا نے مرکزی عام بجٹ کو بہار کے لیے افسوسناک اور نظر انداز کرنے والا بجٹ قرار دیتے ہوئے کہا کہ بہار کو اس بجٹ سے امید تھی کہ اسے خصوصی ریاست کا درجہ ملے گا اس کے لیے وزیر اعلیٰ نتیش کمار نے بھی مطالبہ کیا تھا۔

انہوں نے پارلیمانی انتخاب وزیراعظم کے نام پر ہی لڑا خصوصی ریاست کے درجے کے لیے دونوں ایوان نے مشترکہ طور پر تجویز پاس کر کے مرکز کو بھیجی تھی لیکن بہار کو پوری طرح نظر انداز کیا گیا یہ بجٹ انتہائی افسوسناک ہے۔

پریم چندر نے کہا کہ اس بجٹ میں کچھ نہیں ہے قومی تحفظ کے لیے خواتین کی حفاظت کے لیے تعلیم کے لیے کچھ نہیں ہے۔

انہوں نے کہا کہ ان کا اپنا ویژن ہونا چاہیے لیکن ایسا لگتا ہے کہ بجٹ صرف اسپیچ تھا اس بجٹ سے امید تھی کہ پٹنہ یونیورسٹی کو مرکزی یونیورسٹی کا درجہ ملے گا۔