ضلع گیا میں ڈاکہ زنی اور لوٹ وقتل جیسے سنگین مجرمانہ واقعات میں کمی نہیں آرہی ہے-
بدمعاش دن کے اجالوں میں واقعہ کوانجام دینے میں لگے ہیں۔ حکومت کادعوی ہے کہ ریاست میں لاء اینڈآرڈر کی حالت ایسی ہے کہ رات میں بھی لوگ بے خوف ہوکر گھومتے ہیں جبکہ حقیقت ہے کہ ریاست میں دن کے اجالے میں بھی باشندوں کو نکلنے میں ڈر ستارہاہے کہ کہیں انکے ساتھ کوئی ناگہانی واقعہ پیش نہ آجائے۔
پیر کی دوپہر کو ایک بارپھر بدمعاشوں نے لوٹ کے واقعہ کوانجام دیا ہے۔
اطلاع کے مطابق ضلع کے ڈوبھی تھانہ حدود میں واقع کرمونی پٹرول پمپ کے ملازمین پمپ کاپیسہ لیکر جارہے تھے تبھی مجرموں نے انکا پیچھے تعاقب کرکے ان سے روپیوں سے بھرے بیگ کوچھین کر ہوائی فائرنگ کرتے ہوئے فرار ہوگئے ۔ پولیس موقع پر پہنچ کر جانچ میں مصروف ہے۔
ایس ایس پی راجیومشرانے کہاکہ لوٹ کاواقعہ پیش آیا ہے ۔پولیس معاملے کی تحقیقات کرہی ہے ۔کتنے روپیوں کی لوٹ ہوئی ہے ابھی اسکا انکشاف نہیں ہواہے ۔پولیس بدمعاشوں کی گرفتاری کے لئے علاقے کی ناکہ بندی کی ہے۔
