ٹول پلازہ پر ناجاٸز ٹیکس وصولی کرنے والوں پر کارروائی کا حکم

ٹول پلازہ پر اس سے پہلے بھی کئی بار لوگوں کی جانب سے شکایات موصول ہوئی ہیں۔ جن میں یہ کہا گیا ہے کہ ٹول پلازاوں پر ناجائز طریقے سے ٹیکس وصولا جاتا ہے۔

بہار کے ضلع کیمور میں ڈسٹرکٹ آفیسر نودیپ شکلا نے ضلع کے واحد ٹول پلازہ پر غیر قانونی ٹیکس وصولی کے خلاف کارروائی کے لیے متعلقہ عہدیداروں کے ساتھ ایک میٹنگ منعقد کی۔

انہوں نے کہا کہ اطلاع موصول ہوئی ہے کہ اوورلوڈ ٹرکوں سے غیر قانونی طور پر نجی افراد ٹول ٹیکس وصول رہے ہیں۔ انہوں نے متعلقہ آفیسر کو ناجائز ٹیکس وصولی کرنے والوں کی شناخت کرنے اور ان پر کارروائی کرنے کا حکم دیا ہے۔

ٹول پلازہ پر اس سے پہلے بھی کئی بار لوگوں کی جانب سے یہ شکایات موصول ہوئی ہیں۔ جن میں یہ کہا گیا ہے کہ ٹول پلازاوں پر ناجائز طریقے سے ٹول وصولا جاتا ہے۔ وہیں انتظامیہ کی جانب سے اس کے خلاف کارروائی بھی کی جا رہی ہے۔