بہار کے گیا ضلع کے رینابازار میں بدمعاشوں نے لوٹ کے واقعے کوانجام دیاہے۔ سی ایس پی سینٹر لاک ڈاؤن میں غریبوں کوملنے والی رقم کو دینے کے لئے کھلا تھا اور پیسہ نکالنے کے لئے صارفین کی بھیڑ بھی تھی۔
تبھی چار بدمعاشوں نے اسلحہ کی زد پر ڈیڑھ لاکھ روپئے کی لوٹ کی واردات کوانجام دیاہے ۔ بدمعاشوں سے سی ایس پی کے باہر سو اور دوسو کے نوٹ بھی گرگئے۔ اس واقعے کے بعد علاقے میں سنسنی پھیل گئی ۔
سی ایس پی آپریٹر راہل کمار نے بتایا کہ دوپہر ڈھائی بجے کے قریب ساڑھے تین لاکھ روپے بینک سے نکال کرآئے تھے ۔ صارفین کو پیسہ نکال کردے ہی رہے تھے تبھی دو نوجوان بھیڑ میں سے بینک میں داخل ہوئے اور جمع رقم کے بارے میں معلومات طلب کرنے لگے۔جس پر انہوں نے نوجوانوں سے کہا کہ ہمیں بینک سے حکم دیا گیا ہے کہ صرف پیسہ جمع کروائے جائیں گے ۔
اسی اثناء میں دو اور نو جوان پہنچے۔ چاروں نے لڑائی شروع کردی اورانکے ساتھ مارپیٹ کرتے ہوئے ڈیڑھ لاکھ روپے لوٹ لئے۔اس معاملے پر کونچ تھانہ انچارج ابھشیک سنگھ نے بتایاکہ سی ایس میں لوٹ کاواقعہ پیش نہیں آیاہے۔
