بینک کو کروڑوں کا نقصان، ملزمین کے خلاف ایف آئی آر درج

مرکزی جانچ بیورو (سی بی آئی) نے رائس مل چلانے کے نام پر بینک کو لگ بھگ آٹھ کروڑ روپے کانقصان پہنچانے کے الزام میں ایک فرم اور اس کے تین ڈائریکٹروں کے خلاف ایف آئی آر درج کر کے آج خصوصی عدالت میں سونپ دیا ہے۔

سی بی آئی نے یہ ایف آئی آر تعزیرات ہند کی مختلف دفعات میں درج کر کے جج کمار گنج کی عدالت کو سونپ دیا ہے۔

ایف آئی آر میں پٹنہ کے نارتھ شری کرشنا پوریی میسرس اوم آستھا انڈو اینرجی پرائیوٹ لمیٹیڈ اور اس کے تین ڈائریکٹر پرتاپ سنگھ، مسز سدھا پڑتاپ اور وشمبھر سنگھ نامزد ہیں۔

ایف آئی آر کے مطابق تینوں ڈائریکٹروں نے فرم کا ضمانت دار بن کر سال 2012 میں پنجاب نیشنل بینک کے بورنگ روڈ پٹنہ شاخ سے تین کروڑ 88 لاکھ 69 ہزار روپے کا قرض رہتاس ضلع میں رائس مل چلانے کے نام پر لیا تھا۔

ملزمین نے بینک سے جعل سازی کر کے قرض لیا اور قرض کی قسطوں کی ادائیگی نہیں کر کے بینک کو سود سمیت کل آٹھ کروڑ گیارہ لاکھ 86 ہزار روپے کا نقصان پہنچایا۔