'مذہب کے نام پر تفریق نہیں ہونے دی جائے گی'

آل انڈیا مجلس اتحاد المسلمین کے سربراہ اسد الدین اویسی نے کہا کہ 'مرکز کی بھارتیہ جنتا پارٹی (بی جے پی) کی قیادت والی حکومت این آر سی اور شہریت ترمیمی قانون ( سی اے اے ) کو نافذ کر کے ہندو اور مسلمانوں کے مابین پھوٹ ڈالنا چاہتی ہے جس کو کبھی کامیاب نہیں ہونے دیاجائے گا۔'

اویسی نے ایک اجلاس کو خطاب کرتے ہوئے کہا کہ این آر سی اور سی اے اے جیسے متنازع قانون کولے کر ان کی لڑائی مرکز کی مودی حکومت سے ہے، حکومت قانون نافذ کر کے ہندو اور مسلم کے مابین تفریق کرنا چاہتی ہے، انہوں نے کہا کہ مودی حکومت کی منشا کو وہ کبھی کامیاب نہیں ہونے دیں گے۔

ایم آئی ایم سربراہ نے کہا کہ 'بہارکے ایک ایک مسلمانوں نے آزادی کی لڑائی میں قربانیاں دی تھیں، انہوں نے الزام عائد کیا کہ وزیراعظم نریندر مودی ملک کے مسلمانوں سے نفرت کرتے ہیں، انہوں نے کہا کہ اس قانون کے تحت بنگلہ زبان بولنے والے تقریباً پانچ لاکھ لوگوں کو حراستی کیمپ میں رکھا جائے گا۔