بہار کی ارریہ کورٹ نے ویڈیو کانفرنس کے ذریعہ کیسز کی سماعت کرتے ہوئے اب تک سو سے زیادہ قیدیوں کو ضمانت پر رہا کیا ہے۔
ملک میں ایک ماہ سے زیادہ جاری لاک ڈاؤن کا اثر جہاں روزمرہ کی زندگی پر پڑرہا ہے۔ وہیں سرکاری کام کاج متاثر ہورہے ہیں۔ اس ضمن میں ارریہ کورٹ اس سے نمٹنے کے لئے خصوصی اقدام کر رہی ہے۔
قیدیوں کو باہر نکالنے کے لئے ارریہ کورٹ کے ضلع جج ویڈیو کانفرنسگ کے ذریعہ معاملے کی سماعت کرتے ہوئے انھیں ضمانت پر رہا کر رہے ہیں۔
ویڈیو کانفرنسگ کے ذریعہ اب تک پی آر بانڈ پر سو سے زیادہ قیدیوں کو رہا کیا گیا ہے۔
لاک ڈاؤن کی وجہ سے ضلع ایڈوکیٹ یونین و ضلع بار ایسوسی ایشن تین مئی تک کے لئے فارغ ہے۔
جس کا اثر صاف طور سے قیدیوں کی ضمانت پر پڑ رہا تھا۔
اس کے بعد ہائی کورٹ کے حکم پر ویڈیو کانفرنسگ کے ذریعہ قیدیوں کے معاملے کی سنوائی کر کسی کو ضمانت پر رہائی کرنا ہے تو اسے پی آر بانڈ پر چھوڑنے کی بات سامنے آئی۔
اس سلسلے میں ویڈیو کانفرنسگ کے ذریعہ ضلع جج پیوش کمل دکشت، فیملی جج رمیش چندر مالیوا، اے ڈی جے اول سنجے کمار، اے ڈی جے دوم رمن کمار، اے ڈی جے سوم رجنیش کمار شریواستو، اے ڈی جے چہارم ابھیشک کمار داس ،اے ڈی جے پنجم ستیندر سنگھ کے علاوہ اے سی جے ایم سنجیو کمار وغیرہ کی بینچ نے اب تک متعدد معاملوں کی سنوائی کر قیدیوں کی رہائی کا حکم دیا ہے۔
