خیال رہے کہ ضمنی انتخابات کو لیکر سیاست گرما گئی ہے وہیں دوسری طرف کوچادھامن حلقہ کے جے ڈی یو رکن اسمبلی ماسٹر مجاہد کے آئندہ صوبائی انتخاب میں پارٹی بدلنے کی افواہوں سے علاقے میں چہ مہ گوئیاں شروع ہو گئی ہیں۔
ای ٹی وی بھارت سے خصوصی گفتگو کے دوران مجاہد عالم نے پارٹی بدلنے کی بات کو افواہ قرار دیا۔
اپنی گفتگو میں انہوں نے کہا کہ 'بہار میں 13 برس سے زیادہ وقت سے نتیش کمار کی گٹھ بندھن والی سرکار ہے، چاہے گٹھ بندھن کسی بھی جماعت کے ساتھ کیوں نہ رہی ہو، خواہ پارلیمانی انتخاب ہو یا پھر قومی انتخاب، ہر بار بہار کی عوام نے نتیش کمار پر اعتماد کیا ہے اور انہیں حکومت کی باگ ڈور سونپی ہے۔ ابھی حالیہ رزلٹ دیکھ لیجیے، این ڈی کے ساتھ جو سیٹ شئیر ہوئے تھے کشن گنج چھوڑ کر سبھی سیٹیں جے ڈی یو نے جیتے ہیں'۔
انہوں نے مزید کہا کہ 'رہی بات میری پارٹی چھوڑنے کی تو میں یقین دہانی کراتا ہوں کہ میری جانب سے کسی بھی صورت میں پارٹی چھوڑنے کی بات کبھی سامنے نہیں آئیگی۔ میں نے اپنے سیاسی کریر کی شروعات نتیش کمار کی پارٹی کے ساتھ کی۔ اس پارٹی کے ساتھ جو انصاف کے ساتھ نہ صرف ترقی کی بات کرتی ہے بلکہ اپنے کیے گئے وعدوں کو عملی جامہ بھی پہناتی ہے'۔