بہار اسمبلی انتخابات کے پہلے مرحلے کے لئے 1065 امیدوار میدان میں

بہار اسمبلی انتخابات کے پہلے مرحلے میں 1091 امیدواروں نے پرچہ نامزدگی داخل کی ہے اور 26 امیدواروں نے اپنے نامزدگی واپس لے لئے ہیں۔ جس کے بعد پہلے مرحلے کے انتخاب کے لئے اب کل 1065 امیدوار انتخابی میدان میں ہیں۔

پٹنہ: بہار اسمبلی انتخابات کے پہلے مرحلے میں 71 اسمبلی نشستوں پر کل 1091 امیدواروں نے پرچہ نامزدگی داخل کی ہے۔ اس میں سے 26 امیدواروں نے اپنے نامزدگی واپس لے چکے ہیں۔ جس کے بعد پہلے مرحلے کے انتخاب کے لئے اب کل 1065 امیدوار انتخابی میدان میں ہیں۔

وہیں اسمبلی انتخابات کے دوسرے مرحلے کے لئے نامزدگی کا عمل جاری ہے۔ اس کے ساتھ ہی ، تیسرے مرحلے کے لئے 13 اکتوبر سے نامزدگی کا عمل شروع ہوگا۔

اس دوران انتخابی تیاریوں میں مصروف الیکشن کمیشن کی ٹیم بلیک منی کے حوالے سے ریاست بھر میں مسلسل چھاپے مار رہی ہے۔

اس تعلق سے اپر مکھ نرواچن افسر سنجے کمار سنگھ نے بتایا کہ پیر کے روز ریاست میں ضابطہ اخلاق کے خلاف ورزی کے معاملے میں مجموعی طور پر 34 نئے مقدمات درج کیے گئے ہیں۔

اس کے علاوہ سنجے سنگھ نے کہا کہ انتخابات سے قبل ایک منصفانہ اور خوف سے پاک ماحول بنانے کے لئے اب تک 1056 غیر قانونی اسلحہ ضبط کیا گیا ہے۔

اس کے ساتھ ہی 21 سو لائسنس ساز اسلحہ کا لائسنس بھی منسوخ کردئے گئے ہیں۔ نیز شرارتی اور دبنگ عناصر کے خلاف دفعہ 107 کے تحت بانڈ بھروایا گیا ہے۔ اب تک ، اس سیکشن کے تحت بانڈ 210373 افراد بھر چکے ہیں۔