شمالی کشمیر کے سوپور قصبہ سے قریب سات کلو میٹر دور زرعی یونیورسٹی واڈورہ میں گندم کے عالمی دن کے حوالے سے ایک آگہی پروگرام منعقد کیا گیا۔
اس موقع پر ماہرین نے کسانوں کو گندم کی پیداوار میں اضافہ سمیت کسانوں کو زیادہ سے زیادہ منافع پہنچانے سے متعلق انہیں جانکاری فراہم کی۔
ذرائع ابلاغ کے نمائندوں سے بات کرتے ہوئے شیر کشمیر یونیورسٹی آف ایگریکلچر سائنس اینڈ ٹیکنالوجی (سکاسٹ) کے وی سی نے بتایا کہ پروگرام کا مقصد کسانوں کو زیادہ سے زیادہ نفع پہنچانا ہے تاکہ وادی کشمیر میں شالی سمیت گندم کی پیداوار میں بھی اضافہ ممکن ہو سکے۔
وائس چانسلر نے مزید کہا کہ ’’کسانوں کو زیادہ سے زیادہ نفع پہنچانے کے لیے سکاسٹ کی جانب سے ہر ممکن کوشش کی جا رہی ہے، جس کے لیے عالمی یوم گندم کی نسبت سے کسانوں کو تربیت اور معلومات فراہم کی جا رہی ہے۔‘‘