بارہمولہ میں نامعلوم لاش برآمد

موت کی وجہ کا پتہ لگایا جارہا ہے۔ پولیس نے مقدمہ درج کر کے کارروائی شروع کر دی ہے۔

شمالی کشمیر کے ضلع بارہمولہ میں منگل کے روز مبینہ طور پر ایک غیر مقامی نامعلوم شخص کی لاش برآمد ہوئی ہے۔ اس کی اطلاع سرکاری ذرائع نے دی ہے۔

انہوں نے بتایا کہ پٹن علاقے میں اس وقت خوف و ہراس پھیل گیا جب آج صبح چند مقامی لوگوں نے سڑک کے کنارے ایک لاش دیکھی۔

انہوں نے مزید بتایا کہ پولیس کو فوری طور پر مطلع کیا گیا جس کے بعد پولیس لاش شناخت کے لئے لے گئی۔

ذرائع کے مطابق موت کی وجہ کا پتہ لگایا جارہا ہے۔ پولیس نے مقدمہ درج کر کے کارروائی شروع کر دی ہے۔

یو این آئی