لشکر طیبہ کے عسکریت پسندوں کے تین معاونین گرفتار

جموں و کشمیر میں سکیورٹی فورسز کے ہاتھوں عسکریت پسند اور عسکریت پسندوں کے معاونین کو اکثر وبیشتر گرفتار کیا جاتا ہے اور ان کے قبضہ اسلحہ وگولہ بارود بھی برآمد کیا جاتا ہے۔ Militancy in Kashmir

بارہمولہ: جموں کشمیر پولیس نے بارہمولہ میں لشکر طیبہ/ ٹی آر ایف کے تین عسکریت پسند معاون کو گرفتار کیاہے۔ پولیس نے سیکورٹی فورسز کے ساتھ مل کر کالعدم شدت پسند تنظیم ایل ای ٹی/ٹی آر ایف سے منسلک 3 عسکریت پسند کے معاونین کو گرفتار کیا اور ان کے قبضے سے اسلحہ اور گولہ بارود اور دیگر مجرمانہ مواد برآمد کیا۔

پولیس کے مطابق جھولا پل کے قریب کلگئی کے مقام پر 13 سکھلی، 185 بی این بی ایس ایف اور بارہمولہ پولیس کے ساتھ مشترکہ ناکہ چیکنگ اور گشت کے دوران کمل کوٹ سے بیگ لے کر قومی شاہراہ کی طرف آنے والے دو مشتبہ افراد کو روکا جن کی شناخت ضمیر احمد کھانڈے ولد عظیم کھانڈے ساکنہ مدیاں کمال کوٹ اور محمد کے نام سے ہوئی ہے۔

اس دوران پوچھ گچھ کے دوران دونوں ملزمان نے انکشاف کیا کہ یہ غیر قانونی طور پر حاصل کیے گئے دستی بم اور نقدی انہیں منظور احمد بھٹی ولد کریم الدین بھٹی ساکنہ مدیاں کمال کوٹ نے فراہم کی ہے تاکہ وہ دہشت گردی کی کسی واردات کو انجام دے سکیں۔ اس نے پوچھ گچھ کے دوران انکشاف کیا کہ اس نے یہ غیر قانونی طور پر حاصل کیے گئے دستی بم اور نقدی ان افراد کو دہشت گردی کی کارروائیوں کے لیے فراہم کی ہے اور ایک ہینڈ گرینیڈ اور نقدی بھی ایک مقام پر رکھی ہوئی ہے۔