سوپور:سوپور پولیس نے کینسہ بانڈی پورہ میں حالیہ آئی ای ڈی دھماکہ کیس کے معاملے میں دو مبینہ عسکریت پسندوں کو گرفتار کرنے کا دعوی کیا ہے۔گرفتار ہائی برڈ عسکریت پسندوں کی شناخت کیونسہ بانڈی پورہ کے رہنے والے ارشاد گنائی اور وسیم راجہ کے طور پر کی گئی ہے۔۔ پولیس نے ان لوگوں کے قبضے سے اسلحہ وگولہ بارود بھی برآمد کرنے کا دعویٰ کیا ہے۔ اس سلسلے میں پولیس نے مقدمہ درج کرکے مزید تحقیقات کا آغاز کردیا ہے۔ Sopore Police Cracks Kenusa Bandipora IED incident, two LET Hybrid Militants Arrested
ایس ایس پی سوپور شبیر نواب نے پریس کانفرنس میں بتایا کہ پولیس نے آج دس بجے وٹلب علاقہ میں ایک مشکوک حرکت دیکھی۔ پولیس نے اس حوالے سے ایک نوجوان کو گرفتار کیا جن کا نام ارشاد احمد گنائی ساکن کینسہ بانڈی پورہ ہیں۔ پولیس نے مذکورہ نوجوان سے ایک بیگ برآمد کیا جو میں دو آئی ڈیز برآمد ہوئی ہے۔تفتیش کے دوران مذکوہ نوجوان نے ایک اور نوجوان کا نام دیا جس نے فوجی گاڑی پر 27 اکتوبر کو بانڈی پورہ میں آئی ای ڈی دھماکہ کیا تھا۔ایس ایس پی سوپور نے کہا کہ دونوں ہائی برڈ عسکریت پسندوں پر پولیس نے ایک ایف آئی آر درج کی اور اس حوالے سے مزید تفیش شروع کی گئی ہے۔