شمالی کشمیر میں ضلع بارہمولہ کے سوپور قصبہ کا ایک دور دراز علاقہ چیرہار جو برسوں سے رابطہ سڑک نہ ہونے کی وجہ سے ضلع صدر مقام سے منقطع تھا۔ تاہم پردھان منتری گرامین سڑک یوجنا کے تحت علاقے میں سڑک کی تعمیر سے مقامی باشندوں میں خوشی کی لہر دوڑ گئی ہے۔
ای ڈی وی بھارت کے ساتھ بات کرتے ہوئے مقامی باشندوں کا کہنا ہے کہ علاقے میں رابطہ سڑک نہ ہونے کی وجہ سے اکثر آبادی تعلیم کے نور سے محروم تھی کیونکہ اسکول اور کالج تک جانا بچوں کے لیے آسان نہیں تھا۔
سوپور: منقطع علاقے چیرہار میں سڑک کی تعمیر سے عوام میں خوشی
انکا کہنا تھا کہ سڑک نہ ہونے کی وجہ سے انہیں کافی دقتوں کا سامنا کرنا پڑ رہا تھا، ’’دس کلو چاول خریدنا ہوں یا بچاس کلو، گھوڑے والے کو ہر بار 300 روپے دینے پڑتے تھے۔‘‘