سوپور:ہسپتال میں کووڈویکسین کی ماک ڈرل

بارہمولہ کے سب ضلع سوپور کے ہسپتال میں کووڈ ویکسین کی ماک ڈرل کی گئی۔

شمالی کشمیر کے ضلع بارہمولہ کے سب ضلع سوپور کے ہسپتال میں کووڈ ویکسین کی ماک ڈرل کی گئی۔ اس دوران بی ایم او سوپور آصف کھانڑے کے ساتھ اے ڈی سی پرویز سجاد و دیگر افراد بھی شامل رہے۔

اس موقع پر بی ایم سوپور نے نامہ نگاروں سے بتایا کہ' سوپور میں ہم نے ایک ویکسنیشن سینٹر بنایا ہے اور سوپور بلاک میں ہم نے سات ویکسینش سنٹرز بنائے ہیں۔

انہوں نے بتایا کہ' ایک ویکسنیشن سینٹر میں 100 کے قریب ویکسین لگیں گے اور ہم سب اس کے لئے پورے طورپر تیار ہیں۔ انہوں نے مزید کہا کہ'جنہیں بھی ویکسینیشن لگانی ہوگی انہیں چوبیس گھنٹے قبل بذریعہ موبائل اطلاع کی جائے گی'۔