سوپور ہسپتال میں بنیادی سہولیات کا فقدان

اپیل ٹاؤن کے نام سے معروف سوپور قصبہ کے ہسپتال میں بنیادی سہولیات نہ ہونے کی وجہ سے عوام کو مشکلات کا سامنا کرنا پڑ رہا ہے۔

اطلاعات کے مطابق ہسپتال میں ایکس رے اور دوسری ضروری طبی سہولیات کی کمی پائی جا رہی ہے جس کی وجہ سے بیماروں کو کافی دقتیں پیش آتی ہیں۔

سب ڈسٹرکٹ ہسپتال کو کووڈ- 19 میں تبدیل کیا گیا ہے، جس کے باعث غیر کورونا وائرس مریضوں کی مشکلات میں مزید اضافہ ہوا ہے۔

مقامی لوگوں کا کہنا ہے کہ جب سے ہسپتال شفٹ ہوا ہے تب سے نہ ایکس رے اور نہ دوسرے ضروری طبی معائنے ہوتے ہییں۔ بیمار پرائیوٹ کلنکس میں جا کر ایکس رے اور دوسرے طبی ٹیسٹ کر رہے ہیں جس میں انہیں ہزاروں روپئے کا خرچ کرنا پڑتا ہے۔

ایک مقامی باشندے نے بتایا ہے کہ ان کے بیٹے کو ٹانگ میں چوٹ لگی تھی۔ ہسپتال میں ڈاکٹر نے اسے ایکس رے کرنے کو کہا اور ساتھ ہی کہا کہ ہسپتال میں ایکسرے نہیں ہو سکتا کیونکہ یہاں سہولیت میسر نہیں ہے-

مقامی لوگوں نے الزام عائد کرتے ہوئے کہا کہ ڈاکٹر بھی غیر سنجیدگی کا مظاہرہ کر رہے ہیں، جس کے باعث مریض کافی پریشان ہیں۔

مقامی لوگوں نے انتظامیہ سے اپیل کی کہ ہسپتال میں تمام تر سہولیات دستیاب رکھا جائے تاکہ انہیں مزید مشکلات کا سامنا نہ کرنا پڑے اور پرائیوٹ کلنکس کا رُخ نہ کرنا پڑے۔