کشمیر: کورونا نے ایک اور جان لے لی

وادی کشمیر میں کورونا وائرس میں مبتلا ایک اور مریض کی موت واقع ہوئی ہے جس کے ساتھ ہی جموں و کشمیر میں اس عالمی وبا سے متعلق اموات کی تعداد بڑھ کر 27 تک پہنچ گئی ہے۔ ان میں میں سے 24 اموات کشمیر جبکہ دیگر تین جموں میں رپورٹ ہوئی ہیں۔

متوفی کا تعلق شمالی کشمیر کے ضلع بارہمولہ سے ہے.

گزشتہ روز جنوبی ضلع اننت ناگ کے سرنل اور سرینگر کے فتح کدل سے تعلق رکھنے والے دو کورونا مریضوں کی بالترتیب گورنمنٹ میڈیکل کالج اننت ناگ اور سی ڈی ہسپتال سری نگر میں موت واقع ہوئی تھی۔

جموں و کشمیر میں اب تک کورونا وائرس کے مریضوں کی جو 27 اموات رپورٹ ہوئی ہیں، ان میں سے سب سے زیادہ ضلع سرینگر میں سات، اننت ناگ اور بارہمولہ میں پانچ، کولگام اضلاع میں چار، بڈگام اور جموں اضلاع میں دو دو اور بانڈی پورہ و ادھمپور اضلاع میں ایک ایک موت رپورٹ ہوئی ہے۔