این وائی سی کے کارکنان کا اجرت میں اضافے کا مطالبہ

ضلع بارہمولہ کے سوپور قصبہ میں نیشنل یوتھ کارپس کے ضلع صدر نائک مدثر گورنر اور انتظامیہ سے اپیل کرتے ہوئے کہا کہ ہماری اجرت میں اضافہ کرنے کے ساتھ ساتھ ہماری نوکری کو مستقل کیا جائے کیونکہ گزشتہ دس برسوں سے ہم اپنے فرائض انجام دے رہے ہیں۔

شمالی کشمیر کے ضلع بارہمولہ کے سوپور قصبہ میں آج نیشنل یوتھ کارپس کے ضلع صدر نایک مدثر نے میڈیا سے بات کرتے ہوئے کہا کہ اس مہلک وبا میں ہم لوگ مسلسل اپنے فرائض انجام دے رہے ہیں۔

انھوں نے مزید کہا کہ گزشتہ دس برس سے ہم لوگ مختلف محکمہ جات میں برابر کام کررہے ہیں لیکن بد قسمتی سے آج تک انتظامیہ نے ہماری طرف توجہ نہیں دی بلکہ ہمارے ساتھ مسلسل نا انصافی کی گئی یہاں تک کہ ہمیں آج بھی اجرت کے طور پر محض 2500 روپئے دیے جاتے ہیں۔

انہوں نے کہا کہ جو اجرت ہمیں دی جاتی ہے اس سے ہماری ضروریات زندگی نہیں پوری ہوسکتی ہیں تو کہاں سے ہم اپنے گھر والوں کا خرچہ چلا سکتے ہیں اس وجہ ہم ذہنی دباؤ کے شکار سے دوچار ہورہے ہیں۔

انھوں نے مزید کہا کہ ہم گورنر اور انتظامیہ سے اپیل کرتے ہے کہ وہ ہماری پریشانیوں کو سمجھتے ہوئے ہماری اجرت میں اضافہ کرنے کے ساتھ ساتھ ہمیں مستقل بھی کیا جائے کیونکہ گزشتہ دس برسوں سے ہم اپنے فرائض انجام دے رہے ہیں۔