کشمیری طالبہ بتول زہرہ نے پہاڑی زبان میں رام بھجن گایا

Ram bhajan in Pahari language ایودھیا میں رام مندر کی افتتاحی تقریب کے سلسلے میں بھگوان رام کے بھجنوں کی بڑھتی ہوئی مقبولیت کے درمیان سرحدی علاقہ اوڑی کے بونیار علاقہ سے تعلق رکھنے والی ایک مسلم کالج طالبہ بتول زہرہ کا گایا ہوا رام بھجن انٹرنیٹ پر کافی مقبول ہو گیا ہے۔

بارہمولہ:شمالی کشمیر کے ضلع بارہمولہ کے سرحدی علاقے بونیار کے نورکا گاؤں سے تعلق رکھنے والی بتول زہرہ نے پہاڑی زبان میں رام بجھن گایا ہے، جو کہ سوشل میڈیا پر کافی وائرل ہوا ہے۔بتول زہرا کے والد بھی ایک پہاڑی گلوکار ہیں اور اپنے علاقے میں وہ کافی مشہور ہیں، اور اب ان کی بیٹی نے پہاڑی زبان میں رام بھجن گا کر انٹرنٹ میں دھوم مچا دی ہے۔

بتول زہرہ اُوڑی کالج کے سال اول کی طالبہ ہے۔رام بھجن گانے پر بتول زہرہ کہتی ہیں، "میں نے بالی وڈ کے گلوکار جبین نوتیال کا ایک بجھنا سنا اور مجھے بہت پسند آیا۔ میں نے سوچا کہ اگر یہ ہندی میں ہو سکتا ہے تو پہاڑی زیان میں کیوں نہیں ہو سکتا۔ میں نے اسے پہاڑی زبان میں لکھا اور بعد میں اسے گایا۔انہوں نے کہا کہ مسلم کمیونٹی کے لوگوں نے بھی مجھے مبارکباد دے دی ہیں۔

بتول زہرہ نے کہا 'کہ میں سعید برادری سے ہوں اور امام حسینؑ نے ہمیں اپنی قوم سے محبت کرنا سکھایا۔تمام برادریوں کے لوگ ہمارے بھائی بہن ہیں۔انہوں نے کہا کہ مسلمانوں کو ہندوؤں کا احترام کرنا چاہیے اور ہندوؤں کو بھی ایسا ہی کرنا چاہیے اور بھگوان رام اپنی خوبیوں کی وجہ سے انسانوں میں سب سے اعلیٰ تھے'واضح رہے کہ وزیر اعظم مودی 22 جنوری کو رام مندر میں رام للا کی مورتی نصب کریں گے۔ مندر کمیٹی نے کہا کہ مذکورہ تقریب کے لیے تمام برادریوں کے 4000 سادھوؤں کو بھی مدعو کیا گیا ہے۔