سوپور میں خدمت سینٹر سیل

عالمی وبا کورونا وائرس کی روک تھام کے پیش نظر ملک کے ساتھ ساتھ جموں و کشمیر کے تمام اضلاع میں لاک ڈاؤن نافذ ہے۔

جموں و کشمیر میں لاک ڈاؤن کی خلاف ورزی کرنے والوں کے خلاف کارروائی عمل میں لائی جا رہی ہے۔

شمالی قصبہ سوپور کے وارپورہ علاقے میں پولیس اور سول انتظامیہ نے کارروائی کرتے ہوئے ایک خدمت سینٹر کو سیل کیا ہے۔

اطلاعات کے مطابق پرویز احمد نامی ایک مقامی شخص وارپورہ علاقے میں خدمت سینٹر چلاتا ہے اور سینٹر کے باہر بھیڑ جمع ہوئی تھی۔ تاہم انتظامیہ نے کارروائی کرتے ہوئے اس کے سینٹر کو سیل کر دیا ہے۔