Infiltration Attempt in Uri اوڑی میں دراندازی کی کوشش ناکام، اسلحہ ضبط

نارتھ کشمیر کے ضلع بارہمولہ کے اوڑی میں لائن آف کنٹرول پر فوج کی جانب سے دراندازی کی کوشش کو ناکام بنادیا گیا۔

سرینگر: جموں کشمیر کے ضلع بارہمولہ میں اوڑی کے لائن آف کنٹرول پر فوج اور عسکریت پسندوں کے مابین چھڑپ شروع ہوئی ہے جس کے دوران اسلحہ برآمد کیا گیا ہے۔ فوج کا کہنا ہے کہ ہفتے کے دن دوران شب عسکریت پسندوں نے وادی کی جانب دراندازی کی کوششکی جس کے بعد چھڑپ شروع ہوئی۔

فوج نے سماجی رابطہ سائٹ ایکس پر ایک بیان میں کہا کہ عسکریت پسندوں کے خلاف آپریشن جاری ہے۔ جس کے دوران عسکریت پسندوں سے کچھ اسلحہ برآمد کیا گیا ہے۔ فوج کے بیان کے مطابق ہفتے کے دوران ان کو خفیہ اطلاع ملی کہ اوڑی سے لائن آف کنٹرول پر عسکریت پسند دراندازی کی کوشش کر رہے ہیں اور فوج نے پولیس اور خفیہ ایجیسنز نے مشترکہ آپریشن کا آغاز کیا۔

اس آپریشن کے دوران عسکریت پسندوں کے ساتھ چھڑپ شروع ہوئی جس میں چھ پستول اور چار گرینیڈ برآمد کئے گئے۔ تاہم فوج نے ابھی اس آپریشن میں کسی عسکریت پسند کے ہلاک یا زخمی ہونے کے متعلق کوئی جانکاری نہیں دی ہے۔ فوج کا کہنا ہے کہ اگرچہ عسکریت پسندوں کی دراندازی کی کوشش ناکام بنائی گئی ہے لیکن ان سے اسلحہ برآمد کیا گیا ہے۔ اس آپریشن کے متعلق مزید اطلاعات کا انتظار ہے۔