شمالی کشمیر کے ضلع بارہمولہ میں عوام کو آیوشمان بھارت اسکیم کے متعلق بیدار کرنے کے لیے ضلع اسپتال میں ہیلپ ڈیسک کا انعقاد کیا گیا۔
ضلع اسپتال کے میڈیکل سپرنٹنڈنٹ ڈاکٹر سید مسعود کے مطابق آیوشمان بھارت اسکیم یعنی صحت کارڈ کے متعلق بتایا کہ 26 دسمبر 2020 سے لیکر 20 مارچ 2021 تک ضلع بارہمولہ میں ہزاروں لوگوں نے اپنا رجسٹریشن کروا چکے ہیں اور تقریباً 500 مریضوں نے اس کارڈ کے ذریعہ فائدہ بھی حاصل کرچکے ہیں۔
انہوں نے مزید کہا کہ اس صحت کارڈ اسکیم کے تحت ہر ایک مریض کو 5 لاکھ روپیہ تک مفت علاج کیا جاتا ہے، اس لیے ضلع کے تمام مریضوں کو اس اسکیم سے فائدہ حاصل کرنا چاہیے۔
میڈیکل سپریٹنڈنٹ نے کہا کہ ابھی تک جن لوگوں نے آیوشمان بھارت اسکیم کے تحت اپنا رجسٹریشن نہیں کرایا ہے، وہ بھی جلد از جلد رجسٹریشن کرالیں اور اس اسکیم کو دیگر افراد میں بھی متعارف کرائیں۔
صحت کارڈ کے تحت مستفید مریضوں نے حکومت اور ضلع انتظامیہ بارہمولہ کا شکریہ ادا کرتے ہوئے کہا کہ یہ اسکیم غریب لوگوں کے لیے سنہری موقع ہے جس کے ذریعہ غریب افراد با آسانی اپنا مفت میں علاج کراسکتے ہیں۔