سرینگر کے صورہ میڈیکل انسٹی ٹیوٹ میں سرحدی قصبہ اوڑی سے تعلق رکھنے والے ایک 55 سالہ شخص کی کووڈ 19 سے موت ہو گئی۔
محکمہ صحت کے ذرائع کے مطابق بیجامہ، بونیار کا رہنے والا کورونا متاثرہ خورشید احمد بیگ نے جمعہ کی صبح سرینگر کے صورہ میڈیکل انسٹی ٹیوٹ میں آخری سانس لی۔
خورشید احمد کو کچھ دن پہلے ہی اُس وقت اسپتال میں داخل کیا گیا تھا جب ان کا کووڈ 19 ٹیسٹ مثبت پایا گیا تھا۔
مزید پڑھیں: کورونا وائرس کے 677 نئے مثبت معاملات
قابل ذکر ہے کہ جموں و کشمیر میں کورونا متاثرین کی تعداد 85ہزار سے تجاوز کر گئی ہے جبکہ اس وبائی مرض سے اب تک 1400کے قریب افراد فوت ہو چکے ہیں جن میں سے 900سے زائد افراد وادی کشمیر سے ہیں۔