بارہمولہ: فوج کی جانب سے کیریئر کم کونسلنگ پروگرام

علاقہ رفیع آباد کے نوجوانوں نے پروگرام میں شرکت کی اور 32 آر آر فوج کا شکریہ ادا کیا۔

شمالی کشمیر کے ضلع بارہمولہ کے تحصیل رفیع آباد کے ڈونی وارہ علاقہ میں فوج نے ایک کیریئر کم کونسلنگ پروگرام کا اہتمام کیا۔ اس پروگرام کا مقصد نوجوانوں کو تعلیم، آگاہی اور کیریئر کے تعلق سے گائیڈ کرنا تھا۔

اس موقع پر نوجوانوں سے مخاطب ہو کر ایک افسر نے بتایا کہ اپنے اندر حوصلہ بلند رکھنا چاہیے۔ یہاں نوجوانوں کو ہندوستانی مسلح افواج میں داخلے کی مختلف اسکیموں سے متعلق مکمل معلومات فراہم کی گئیں۔ آس پاس کے علاقوں سے آئے ہوئے کئی نوجوانوں نے کیمپ میں شرکت کی اور انہیں فوج کے وسیع میدان میں وافر اور وسائل کے مواقع کے بارے میں آگاہ کیا گیا۔

لیکچر کے بعد فوج کی طرف سے کلیئرنس اور بات چیت سیشن ہوا جس میں فوج کے ذریعہ مختلف سوالوں کے جوابات دیے گئے۔ پروگرام کے اختتام پر علاقہ کے نوجوانوں نے اس کاوش پر 32 آر آر فوج کا شکریہ ادا کیا اور کہا کہ آئندہ بھی اس طرح کے پروگرام ہونے چاہیے۔