سوپور: اے ٹی ایم سیکورٹی گارڈز کا احتجاج

احتجاج کر رہے اے ٹی ایم گارڈز (ATM guards) کا کہنا ہے کہ عرصہ دراز سے اے ٹی ایم کی نگرانی کے عوض میں انہیں ماہانہ سات ہزار روپے دیے جا رہے تھے، تاہم اچانک ان کی تنخواہ کم کر کے 5 ہزار کر دی گئی ہے۔

ضلع بارہمولہ کے قصبہ سوپور میں جے اینڈ کے بینک کے زونل ہیڈکواٹر کے باہر اے ٹی ایم مشینوں کی نگرانی کر رہے گارڈز نے احتجاج کیا۔

سیکورٹی گارڈز نے تنخواہ کم کرنے کے خلاف احتجاج کرتے ہوئے ماہانہ اجرت میں اضافے کا مطالبہ کیا۔

ای ٹی وی بھارت سے بات کرتے ہوئے احتجاجی گارڈز (ATM guards) نے کہا کہ وہ عرصہ دراز سے متعلقہ سیکورٹی ایجنسیوں کے ساتھ وابستہ ہیں اور اے ٹی ایم کی نگرانی کے عوض میں انہیں ماہانہ سات ہزار روپے مل رہے تھے۔ نئے حکمنامے کے مطابق انہیں محض ساڑھے پانچ ہزارو روپے دیے جائیں گے۔

انہوں نے حیرت کا اظہار کرتے ہوئے کہا کہ تنخواہوں میں اضافے کے برعکس ان کے مشاہرے میں کمی کی جاری ہے جس کے خلاف وادی کے سبھی اضلاع میں احتجاج کیا جا رہا ہے۔

احتجاج کر رہے اے ٹی ایم گارڈز نے متنبہ کیا کہ اگر فوری طور ان کی تنخواہ میں اضافہ نہیں کیا گیا تو وہ احتجاج میں مزید شدت لانے کے لیے مجبور ہو جائیں گے۔