Drug Peddler’s bank account seized: منشیات فروش کا بینک اکائونٹ منجمد، بانڈی پورہ پولیس

جموں و کشمیر پولیس نے شمالی کشمیر کے بارہمولہ ضلع میں رواں برس ایک منشیات فروش کی جائیداد کو قرق کرنے اور بینک اکاؤنٹ سیز کیا تھا، اسی طرح کی ایک اور کارروائی بانڈی پورہ پولی سنے بھی انجام دی ہے۔

بانڈی پورہ: بانڈی پورہ پولیس نے نارکوٹک ڈرگس اینڈ سائیکو ٹراپک سبسٹنسز(این ڈی پی ایس) ایکٹ کی دفعات کے تحت ایک منشیات فروش کے قریب پونے دو لاکھ روپیے کی بچت کے بینک اکائونٹ کو منجمد کر دیا ہے۔ پولیس نے اس منشیات فروش کی شناخت عامر رشید شیخ ولد عبد الرشید شیخ ساکنہ شلوت، سمبل کے طور پر کی ہے جس کے اکائونٹ میں میں 1 لاکھ 70 ہزار 8 سو 7 روپیے تھے۔

بانڈی پورہ پولیس نے کہا کہ یہ کارروائی مجاز اتھارٹی اور ایڈ منسٹریٹر ایس اے ایف ای ایم (نئی دہلی) نے این ڈی پی ایس کی دفعہ کے 68F(2) کے تحت انجام دی ہے جو حکام کو منشیات اسمگلنگ میں ملوث افراد کے اثاثوں کو منجمد کرنے کا اختیار دیتا ہے۔ بانڈی پورہ پولیس نے سماجی رابطہ گاہ ایکس پر ایک پوسٹ میں کہا: '’’عامر رشید شیخ ولد عبدالرشید ساکن شلوت سمبل نامی منشیات فروش کے 1،70،807 روپیے کی بچے کے بینک اکائونٹ کو منجمد کیا گیا۔‘‘

پوسٹ میں مزید کہا گیا: ’’یہ کارروائی مجاز اتھارٹی اور ایڈ منسٹریٹر ایس اے ایف ای ایم (نئی دہلی) نے این ڈی پی ایس کی دفعہ کے 68F(2) کے تحت انجام دی ہے جو حکام کو منشیات اسمگلنگ میں ملوث افراد کے اثاثوں کو منجمد کرنے کا اختیار دیتا ہے۔‘‘ واضح رہے کہ اس طرح کی کارروائیاں پولیس نے ماضی میں بھی انجام دی ہیں۔ جموں کشمیر پولیس نے شمالی کشمیر کے سوپور علاقے میں بدنام زمانہ منشیات فروشوں کی جائیداد کو قرق کرکے بینک اکاؤنٹ کو بھی سیز کر دیا تھا۔