بانڈی پورہ: سسرال میں آگ میں جھلسنے سے تیس سالہ خاتون ہلاک

میکے والوں نے سسرال پر قتل کا الزام عائد کیا ہے۔ پولیس نے معاملہ درج کرکے تحقیقات شروع کر دی ہے۔

بانڈی پورہ کے چھٹیے بانڈے علاقے میں جمعہ کی شام 30 سالہ خاتون اپنے سسرال میں آگ کی زد میں آنے سے جھلسس کر ہلاک ہو گئی ہے۔

حادثے کے فوراً بعد مزکورہ عورت کو قریبی اسپتال لایا گیا جہاں سے انہیں ایس ایم ایچ ایس اسپتال ریفر کردیا گیا تاہم وہاں وہ زخموں کی تاب نہ لا کر ہلاک ہو گئی۔

ایک سینئر پولیس افسر نے بتایا کہ اس سلسلے میں دفعہ 309 آئی پی سی کے تحت ایف آئی آر نمبر 25/2020 کے تحت پولیس اسٹیشن ارگام میں مقدمہ درج کیا گیا ہے اور تحقیقات کا آغاز کردیا گیا ہے۔

لڑکی کے میکے والوں نے سسرال پر قتل کا الزام عائد کیا ہے۔ مہلوک خاتون کے بھائی نے بتایا کہ 8 سال قبل لڑکی کی شادی ہوئی تھی۔ اس نے الزام عائد کیا کہ 95 فیصد جلنے کے باجود اس کے منھ سے پوائزن نکل رہا تھا۔ میکے والوں نے معاملے کی اعلیٰ سطحی جانچ کا مطالبہ کیا ہے۔