انتخابی ضابطہ اخلاق کی خلاف ورزی کی جانچ ہوگی: اے ڈی سی

ایڈیشنل ڈپٹی کمشنر بانڈی پورہ ظہور احمد نے ای ٹی وی بھارت کو یقین دلایا کہ وہ اس معاملے کو لیکر جانچ کریں گے۔

شمالی کشمیر کے ضلع بانڈی پورہ کے گنستان ڈی ڈی سی انتخابی نشست میں انتخابی ضابطہ اخلاق کی خلاف ورزی کی مبینہ کوشش کے حوالے سے ایڈیشنل ڈپٹی کمشنر بانڈی پورہ ظہور احمد نے ای ٹی وی سے بات کرتے ہوئے کہا کہ وہ اس معاملے میں پریزائڈنگ افسران کے ساتھ بات کریں گے اور ان سے اس معاملے میں رپورٹ طلب کریں گے اور اگر ایسا ثابت ہوا تو وہ اس کے خلاف کارروائی کریں گے۔

خیال رہے کہ ڈی ڈی سی انتخابات کے دوسرے مرحلے کے دوران بانڈی پورہ کی گنستان انتخابی نشست میں مبینہ طور پر رائے دہندگان ووٹنگ ایجنٹس کے سامنے کھلے عام اپنا ووٹ ڈال رہے تھے اور وہاں پہ ووٹر کے لئے کوئی علاحدہ انتظام نہیں تھا۔

کیونکہ ووٹنگ ایجنٹس کافی تعداد میں پولنگ بوتھ کے اندر داخل تھے جس کی وجہ سے ووٹرز کو مجبوراً انہیں کے سامنے ووٹ ڈالنا پڑ رہا تھا جو انتخابی ضابطہ اخلاق کی خلاف ورزی ہے۔

مذکورہ معاملے کو لیکر ایڈیشنل ڈپٹی کمشنر بانڈی پورہ ظہور احمد نے ای ٹی وی بھارت کو یقین دلایا کہ وہ اس معاملے کو لیکر جانچ کریں گے اور اگر واقعی میں کہیں پہ کوئی انتخابی ضابطہ اخلاق کی خلاف ورزی پائی جاتی ہیں اس پر کاروائی کی جائے گی۔

اس دوران اے ڈی سی بانڈی پورہ ظہور احمد نے گنستان اور نوگام انتخابی نشستوں کا دورہ کیا اور اس دوران انتخابات کا جائزہ لیا۔