بانڈی پورہ میں کووڈ 19 سے متاثرہ افراد کی شناخت کے بعد حکام کی جانب سے دو میونسپل وارڈوں کو "ریڈ زون" قرار دیا گیا ہے۔
اس کے علاوہ اس کے آس پاس کے علاقوں کو "بفر زون" کے طور پر رکھا گیا ہے۔
بانڈی پورہ کے دو علاقے ریڈ زون میں تبدیل بانڈی پورہ کے ڈپٹی کمشنر رویندر کمار نے یہ احکامات جاری کرتے ہوئے بانڈی پورہ قصبے کے وارڈ نمبر 05 اور وارڈ نمبر 06 کو ریڈ زون قرار دیا۔
جب کہ اس کے اعتراف کے علاقے مثلاً کلوسا ، اجر ، واٹا پورہ ، پتوشے ، اونگام ، پنجی گام ، وترینہ ، نوسو ، سونروانی ، پاپچھان ، مادر اور لنکریشی پورہ کو بفر زون میں رکھا گیا ہے۔
یہ حکم بانڈی پورہ قصبے کے نیبر پورہ سے کورونا وائرس سے متاثرہ افراد کی شناخت کے بعد آیا ہے۔
ضلع مجسٹریٹ بانڈی پورہ کے جاری کردہ حکم کے مطابق ، "انسانی جان ، صحت اور حفاظت کو درپیش خطرات کی فوری روک تھام کے لئے دفعہ 144 سی آر پی سی کے تحت پابندیوں کا آغاز کرنا ضروری ہوگیا ہے ۔"
بانڈی پورہ کے ڈسٹرکٹ مجسٹریٹ فی الوقت ضلع ڈیزاسٹر مینجمنٹ اتھارٹی کے چیئرمین بھی ہیں۔
ڈسٹرکٹ مجسٹریٹ کی جانب سے یہ ہدایت جاری کی گئی ہے۔ اس کے تحت کسی بھی وجہ سے کسی بھی شخص کی نقل و حرکت نہیں ہوسکتی ہے۔
تاہم ، کسی بھی طبی ہنگامی صورتحال میں کوئی بھی شخص 24 گھنٹے کنٹرول روم پر درج ذیل نمبروں پر رابطہ کر سکتا ہے:
ڈی سی بانڈی پورہ نے قانون نافذ کرنے والے اداروں کو بھی ہدایت کی کہ وہ انسانی جانوں کو بچانے کے لئے احکامات عمل کرئیں۔
انہوں نے دفعہ 188 آئی پی سی اور وبائی امراض بیماری ایکٹ 1897 اور ڈیزاسٹر مینجمنٹ ایکٹ 2005 کی دیگر متعلقہ دفعات کے تحت حکم کی خلاف ورزی کرنے والوں کے خلاف سخت کارروائی کا انتباہ کیا ہے۔
ڈسٹرکٹ مجسٹریٹ نے چیف میڈیکل آفیسر کو بھی ہدایت کی ہے کہ 300 میٹر کے حدود میں سو فیصد اسکریننگ کی جائے۔
انہوں نے عام عوام سے اپیل کی کہ وہ انتظامیہ کے ساتھ تعاون کریں اور حکم کی سختی سے پابندی کو یقینی بنائیں کیونکہ عدم تعمیل مجرمانہ جرم ثابت ہوگا۔
انہوں نے کہا کہ ضلع انتظامیہ نے ضلع کے عام عوام کو بلا تعطل فراہمی اور ضروری خدمات کی فراہمی کو یقینی بنانے کے لئے ایک طریقہ کار وضع کیا ہے۔
انہوں نے کہا کہ اس طریقہ کار کے حصے کے طور پر ضروری اشیا گھر گھر پہنچائی جائے گی۔
