ویری ناگ کے دیہات میں جراثیم کش ادویات کا چھڑکاؤ

حاملہ خواتین کا ٹیسٹ مثبت آنے کے بعد انتظامیہ نے تین علاقوں کو ریڈ روز قرار دیا تھا۔

جنوبی کشمیر کے ضلع اننت ناگ کے ویری ناگ کے کھاہ گنڈ، فتحرو اور بمڈل میں حاملہ خواتین کے کووِڈ- 19 ٹیسٹ مثبت آنے کے بعد انتظامیہ نے ان تینوں گاؤں میں جراثیم کش ادویات کا چھڑکاؤ کیا۔

میونسپل کمیٹی سے وابستہ اہلکاروں نے ضلع ترقیاتی کمشنر اننت ناگ اور ڈائیریکٹر اربن لوکل باڈیز کی ہدایت پر گاؤں میں چھڑکاؤ کیا اور لوگوں سے تلقین کی کہ وہ گھروں میں ہی رہیں۔ ای او میونسپل کمیٹی ڈورو کا کہنا ہے کہ 'اول روز سے ہی ڈورو اور ویری ناگ قصبوں میں کمیٹی متحرک ہے اور وائرس سے بچنے کے لئے جراثیم کش ادویات کا چھڑکاؤ جاری رکھے ہوئے ہیں۔'

انہوں نے لوگوں کو وبا سے محفوظ رہنے کے لئے احتیاطی تدابیر پر مکمل عمل کرنے کی اپیل کی۔