بانڈی پورہ: ذہنی اور جسمانی معذوروں کے لیے خصوصی ٹیکہ کاری مہم

شمالی کشمیر کے ضلع بانڈی پورہ میں ضلع انتظامیہ کی جانب سے جسمانی و ذہنی طور پر معذور افراد کے لیے خصوصی ویکسینیشن مہم کا آغاز کیا گیا۔

بانڈی پورہ کے ضلع ترقیاتی کمشنر ڈاکٹر اویس احمد نے منی سکریٹریٹ بانڈی پورہ میں ان افراد کے لیے خصوصی ویکسینیشن مہم کا افتتاح کیا جو جسمانی یا ذہنی طور پر معذور ہیں۔

قابل ذکر ہے کہ ایسے افراد کو ویکسین مراکز تک پہنچانے کے لیے ٹرانسپورٹ سہولیات فراہم کی جائے گی تاکہ انہیں بنا کسی رکاوٹ کے ویکسین لگائی جا سکے۔

ڈی سی بانڈی پورہ نے کہا کہ یہ خصوصی کاؤنٹر بانڈی پورہ کے علاوہ سمبل اور دیگر علاقوں میں بھی قائم کئے جائیں گے تاکہ اس بات کو یقینی بنایا جاسکے کہ جسمانی یا ذہنی طور پر کمزور افراد کو ویکسین لگوانے میں کسی مشکل کا سامنا نہ کرنا پڑے۔