کووڈ ٹیسٹ کے بغیر دکان کھولنے پر جرمانہ

شمالی کشمیر کے ضلع بانڈی پورہ کے سمبل میں متعلقہ تحصیلدار نے مارکٹ کا جائزہ لیتے ہوئے کئی دکانداروں پر بغیر کووڈ ٹیسٹ کے دکان چلانے پر جرمانہ عائد کیا-

تفصیلات کے مطابق تحصیلدار سوناواری فردوس احمد قادری نے ایک پولیس ٹیم کے ہمراہ سمبل مارکٹ کا جائزہ لیا اور وہاں موجود دکانداروں کو دکانیں دوبارہ کھولنے سے پہلے کووڈ ٹیسٹ کرانے کی صلاح دی-

خیال رہے کہ انتظامیہ نے دکانداروں کو اس سے قبل ہی ہدایات دی ہے کہ وہ اپنا کووڈ ٹیسٹ کریں اور رپورٹ منفی آنے کی صورت میں ہی وہ دکانیں چلا سکتے ہیں- انتظامیہ نے ہر دکاندار کے لیے کووڈ ٹیسٹ کرانا لازمی قرار دیا ہے۔

اس دوران سمبل مین بازار کا جائزہ لیتے ہوئے تحصیلدار سوناواری نے کئی ایسے دکانداروں پر جرمانہ عائد کیا جنہوں نے کووڈ ٹیسٹ کرنے سے قبل ہی اپنی دکانیں دوبارہ چلانا شروع کی ہیں-

اس کے علاوہ انہوں نے ٹرانسپورٹ سے وابستہ افراد کو اور راہگیروں کو بھی بغیر ماسک پہننے چلنے پر جرمانہ عائد کیا اور انہیں ہدایات دی کہ وہ کہیں بھی نکلنے سے قبل ماسک ضروری پہنا کریں تاکہ کورونا وائرس کے مزید پھیلاو پر قابو پایا جاسکے-