Organized Satyagraha in Bandipora بانڈی پورہ میں کانگریس کارکنان کی جانب سے ستیہ گرہ

بانڈی پورہ میں آج کانگریس پارٹی کے کارکنان اوررہنماؤں کی جانب سے پارٹی کے قومی صدر راہل گاندھی کی حمایت میں احتجاج کیا گیا۔ کانگریس کارکنان نے کہا کہ مرکز کی حکومت نے ملک کے جمہوریت کا مذاق بنا دیا ہے ۔

بانڈی پورہ:مرکز کے زیر انتظام خطہ جموں و کشمیر کے ضلع بانڈی پورہ میں انڈین نیشنل کانگریس کی جانب سے آج بانڈی پورہ میں کےسینئر کانگریس رہنما مرحوم حبی شییخ کے مکان پر ایک میٹنگ منعقد کی گئی۔ اس میٹنگ میں علاقہ کے کانگریس پارٹی کے رہنماؤں اور کارکنوں نے کثیر تعداد میں شرکت کی۔اس میٹنگ کے بعد جے بھارت ستیہ گرہ پروگرام کے تحت کانگریس کے کارکنان نے دھرنا دیا۔ اس دھرنے کی صدارت جے بھارت ستیہ گرہ مہم کے ضلعی انچارج عرفان نقشبندی نے کی۔ ان کے علاوہ کانگریس پارٹی کے ضلع صد ایڈوکیٹ فاروق حبیب، سنیئر کارکنان گل رفیقی غلام ،محمد ڈار،گلزار احمد شیخ ،مبشر حسن،فاروق احمد لون اور غلام محمد ڈار کے علاوہ دیگر درجنوں کانگریس کارکان نے پروگرام میں شرخت کی ۔

دھرنا کے دوران کارکنان نے راہل گاندھی کی ستیہ گرہ مہم کی بھر پور حمایت کا اعلان کرتے ہوئے کہا کہ راہل گاندھی نے جھوٹ کی سیاست کے خلاف جس مہم کا آغاز کیا ہے یہ احتجاج اسی سلسلے کی ایک کڑی ہے۔

اس موقع پر عرفان نقشبندی نے تفصیلات فراہم کرتے ہوئے کہا کہ ملک مین اس وقت نہ صرف آئین کی دھجیاں اڑائی جارہی ہیںبلکہ موجودہ سرکار کے خلاف سچ بولنے والے شخص کے خلاف کاروائی کی جارہی ہے۔انہیں مقدموں میں پھنسا یا جارہا ہے ؤای ڈی اور سی بی آئی کا خوف دلایاجارہا ہے۔

انہوں نے کہا کہ کانگریس اس سے ہرگز ڈرنے والی نہیں ہے۔ انہونے کہا کہ موجودہ حکومت نے جس طرح سے ملک کے آئین کا مذاق بنایا ہے اور جس طرح سے سچ کا گلہ گھونٹنے کی کوشش کی جارہی اس کے خلاف ملک کے ہر فرد کو اس مہم میں جٹنا ہوگا تاکہ ملک کی اسیکولر ساخت کو بچایا جاسکے ۔