مرہامہ کے باشندگان انتظامیہ سے سخت نالاں

مقامی لوگوں کے مطابق ٹھیکیدار نے رات کے دوران ناقص میٹریل جمع کرکے رکھا ہے، بعد میں وہی میٹریل سڑک کی تعمیرات میں استعمال کیا جاتا ہے۔

ضلع اننت ناگ کے مرہامہ علاقہ کے لوگوں نے رابطہ سڑک کی مرمت میں ناقص میٹیریل کے استعمال کو لے کر متعلقہ محکمہ کے خلاف ناراضگی کا اظہار کیا۔

لوگوں کا کہنا ہے کہ ٹھیکیدار سڑک کی بھرائی کے لیے جو میٹریل استعمال کر رہے ہیں اس میں باجری کم مٹی کی مقدار زیادہ موجود ہے۔

مقامی لوگوں کے مطابق ٹھیکیدار نے رات کے دوران ناقص میٹریل جمع کرکے رکھا ہے، بعد میں وہی میٹریل سڑک کی تعمیرات میں استعمال کیا جاتا ہے۔

وہیں لوگوں نے مزید شکایت کرتے ہوئے کہا کہ اگرچہ رابطہ سڑک کو کشادہ کرنے کی غرض سے سڑک کے دونوں اطراف چونتیس فٹ کے دائرہ میں آنے والے ڈھانچوں کو معاوضہ کے عوض منہدم کیا گیا، تاہم کئی ایک مقامات پر منظور نظر افراد کے ڈھانچوں کو منہدم نہیں کیا جا رہا ہے اور مذکورہ مقام پر سڑک کو کشادہ کئے بغیر ہی کام شروع کیا گیا ہے، جس سے صاف طور پر محکمہ پی ایم جی ایس وائی کی غیر سنجیدگی سامنے آرہی ہے ۔

لوگوں کا کہنا ہے کہ رابطہ سڑک پر غیر منصوبہ بند طریقہ سے ہورہے کام کی وجہ سے کروڑوں کی رقم زایہ ہونے کا خدشہ ہے ۔۔انہوں نے اعلی حکام سے توجہ مرکوز کرنے کا پر زور مطالبہ کیا۔

وہیں موقعہ پر موجود پی ایم جی ایس وائی کے جونئر انجینئر نے ای ٹی وی بھارت سے بات کرنے کی زحمت گوارا نہیں کی اور وہ اس جگہ سے نکل گئے، ادھر مذکورہ ٹھیکیدار نے کیمرہ کے سامنے بات کرنے سے منع کیا۔

تاہم انہوں نے کہا کہ لوگوں کے اعتراض کے مدنظر وہ جمع شدہ میٹریل کو سڑک کے استعمال میں نہیں لائیں گے۔

ای ٹی وی بھارت نے جب یہ معاملہ ،پی ایم جی ایس وائی، کے ایگزیکٹو انجینئر خالد محمود کی نوٹس میں لایا تو انہوں نے فون پر یقین دہانی کرتے ہوئے کہا کہ وہ جلد ہی علاقہ میں جاکر از خود کام کا جائزہ لے کر مسئلہ کا ازالہ کریں۔