بابائے قوم مہاتمام گاندھی کے یوم پیدائش کے موقع پر سمبل سوناواری میں مختلف مقامات پر میونسپل کمیٹی سمبل کی جانب سے صفائی مہم کا اہتمام کیا گیا۔
سمبل میں صفائی مہم کا انعقاد اس سلسلے میں سمبل میونسپل کمیٹی نے سمبل تحصیل احاطہ کی صفائی کی- اس موقع پر سمبل سوناواری کے ڈپٹی سپرنٹنڈنٹ آف پولیس نثار احمد خان، ایس ایچ او سمبل منیب الاسلام کے علاوہ سمبل میونسپل کمیٹی کے چیئرمین جہانگیر احمد نے خود سمبل تحصیل احاطے میں پارکوں اور سڑکوں کی صفائی کی- اس صفائی ابھیان کا مقصد عام لوگوں میں ماحولیاتی صاف و صفائی کا ایک تاثر پیدا کرنا تھا-
یہ بھی پڑھیں: گلگت بلتستان میں چینی سرمایہ کاری: آزادانہ منصوبہ یا پریشانی کا باعث
اس موقع پر چیئرمین میونسپل کمیٹی سمبل جہانگیر احمد نے موقع کی مناسبت سے اظہار خیال کیا اور اس کے بعد سمبل تحصیل کے احاطہ میں صفائی کی گئی جس میں افسران کے علاوہ خاکروبوں کی کافی تعداد موجود تھی
میڈیا سے بات کرتے ہوئے میونسپل کمیٹی چیئرمین جہانگیر احمد نے کہا کہ اس مہم کا مقصد صاف صفائی کا ایک ماحول پیدا کرنا ہے جو مہاتما گاندھی کے تئیں ایک بہترین خراج ہے- انہوں نے کہا کہ وہ یہ مہم جاری رکھیں گے تاہم لوگوں کو بھی چاہیے کہ وہ اپنے آس پاس کے ماحول کو صاف رکھیں -
