چوری کا معاملہ محض 24 گھنٹوں میں حل

شمالی کشمیر کے ضلع بانڈی پورہ کے قصبہ سمبل میں پولیس نے چوری کی ایک واردات کو محض 24 گھنٹوں میں ہی حل کرنے کا دعویٰ کیا ہے۔

شمالی کشمیر کے ضلع بانڈی پورہ کے سمبل علاقے میں ایک دکان میں چوری کی واردات کے بعد پولیس نے فوری طور پر کارروائی کرتے ہوئے چور کو محض 24گھنٹوں میں سلاخوں کے پیچھے ڈھکیل دیا ہے۔

سمبل کے ایک دکاندار نذیر احمد ریشی نے پولیس اسٹیشن سمبل میں چوری کی شکایت درج کرائی جس پر پولیس نے خصوصی ٹیم تشکیل دی اور اپنے وسائل کو بروئے کار لاکر محض چوبیس گھنٹوں میں ہی چور کو گرفتار کر کے اسے سلاخوں کے پیچھے ڈھکیل دیا جب کہ چوری شدہ مال بھی بر آمد کر لیا ہے۔

پولیس نے ملزم کے خلاف FIR No. 76. u/s 454, 380/IPC کے تحت کارروائی عمل میں لائی۔

پولیس کی اس غیر متوقع کارروائی پر مقامی لوگوں نے پولیس کی سراہنا کی۔