کوئٹہ میں حملے کے خلاف نوجوان کا احتجاج

جواں سال سماجی کارکن شبیر حیدر نے پاکستان کے شہر کوئٹہ میں شیعہ مسلمانوں کے قتل عام کے خلاف سمبل کے سب ڈسٹرکٹ ہیڈکواٹر کے باہر احتجاج کیا-

شبیر حیدر کا کہنا تھا کہ پاکستان کے شہر کوئٹہ میں عرصہ دراز سے شیعہ مسلمانوں کی نسل کشی کی جارہی ہے اور آئے دن انہیں تکالیف سے گزرنا پڑتا ہے جو قابل مذمت ہے۔

انہوں نے حقوقِ انسانی پر کام کررہے عالمی اداروں سے گزارش کی ہے کہ وہ اس معاملے میں مداخلت کریں اور وہاں کے اقلیتی طبقوں کو تحفظ فراہم کرنے میں تعاون کریں-

شبیر حیدر کا کہنا تھا کہ پاکستانی حکومت مکمل طور سے وہاں کی اقلیتوں کو تحفظ فراہم کرنے میں ناکام رہی ہے لہذا عالم اسلام کو چاہیے کہ وہ پاکستانی حکومت پر دباو بنائے تا کہ وہاں کی اقلیتوں کو تحفظ دیا جائے۔