بانڈی پورہ: بھاری برفباری کی وجہ سے مکانوں کو نقصان

بانڈی پورہ میں کل دوپہر سے شدید برف باری کا سلسلہ جاری ہے۔

ضلع کے مخلتف علاقوں میں دو فُٹ کے قریب تازہ برف جمع ہوگئی ہے جس کی وجہ سے سڑکوں پر گاڑیوں کے ساتھ ساتھ لوگوں کی کم تعداد دیکھنے کو مل رہی ہے۔

سرحدی تحصیل گریز سے ملی اطلاع کے مطابق وہاں چار فُٹ کے قریب برف جمع ہوگئی ہے جب کہ گریز کے کورک بل سے ملی اطلاع کے مطابق وہاں برفانی تودے کی وجہ سے تین مکانوں اور ایک گاو خانے کو نقصان پہنچا ہے۔

تارہ بل بکتور سے ملی اطلاع کے مطابق وہاں تیندوے کے حملے میں ایک شخص زخمی ہوگیا ہے۔