شمالی کشمیر میں حسن خیھامی میموریل گورنمٹ ڈگری کالج، بانڈی پورہ نے سالانہ روڈ ریس کا اہتمام کیا جس میں کئی طلباء نے شرکت کی۔
روڑ ریس ضلع بانڈی پورہ کے آلوسوسہ سے شروع ہوکر پوتوشہ میں اختتام پزیر ہوئی۔
اس موقع پر ایڈیشنل ڈپٹی کمشنر بانڈی پورہ ظہور احمد میر نے پوتوشہ میں ریس جیتنے والوں میں اسناد و ایوارڈز تقسیم کیے۔
فاروخ احمد لون، سیمسٹر (6) کے طالب علم نے پہلی پوزیشن حاصل کی جبکہ تیسرے سمسٹر کے زبیر شفیع خان نے دوسری اور احسان سلطان نے تیسری پوزیشن حاصل کی۔
اس موقع پر طلباء سے خطاب کرتے ہوئے اے ڈی سی نے ریس میں حصہ لینے پر طلباء کو مبارک باد دی، انہوں نے طالب علموں پر زور دیا کہ وہ پڑھائی کے ساتھ ساتھ کھیل سرگرمیوں میں بھی حصہ لیں۔
انہوں نے کالج میں کھیل کود کی سرگرمیوں سے متعلق بنیادی ڈھانچے کو تقویت دینے میں ضلع انتظامیہ سے کالج کی مکمل حمایت کی یقین دہانی کرائی اور کہا کہ انتظامیہ کالج میں کھیل سرگرمیوں کو منظم کرنے میں ہر ممکن حمایت فراہم کرے گی۔