ضلع ترقیاتی کمشنر بانڈی پورہ کی جانب سے حکمنامہ جاری کیا گیا ہے جس میں کہا گیا ہے کہ ضلع میں 13 فروری کو ضلع ترقیاتی کونسل بانڈی پورہ کے چیئرپرسن اور وائس چیئرپرسن کے انتخابات منعقد ہوں گے۔
بانڈی پورہ: ڈی ڈی سی چیئرپرسن انتخاب کے لیے تاریخ کا اعلان - جموں و کشمیر
شمالی کشمیر کے ضلع بانڈی پورہ میں رواں ماہ کی 13 تاریخ کو ڈی ڈی سی چیئرپرسن اور نائب چیئرپرسن کے انتخابات ہوں گے۔
File photo
ڈپٹی کمشنر بانڈی پورہ ڈاکٹر اویس احمد نے 13 فروری کو نو منتخب ڈی ڈی سی ممبران کی ایک میٹنگ طلب کی ہے جس دوران چیئرپرسن اور نائب چیئرپرسن کے انتخابات عمل میں لائے جائیں گے۔ انتخابات ڈی سی آفس بانڈی پورہ کے میٹنگ ہال میں صبح گیارہ بجے منعقد ہوں گے۔
ادھر ڈپٹی کمشنر بانڈی پورہ نے انتخابی عمل کے انعقاد کے لیے پولنگ آفیسر بھی مقرر کیا ہے۔