شمالی کشمیر کے ضلع بانڈی پورہ میں ضلع نوڈل افسر برائے محرم الحرام ڈاکٹر افتخار غازی نے سونا واری کے شیعہ آبادی والے علاقوں کا دورہ کر کے محرم کے پیشِ نظر انتظامات کا جائزہ لیا۔ ڈاکٹر افتخار غازی کے ہمراہ پولیس، محکمہ جل شکتی، پی ڈی ڈی کے علاوہ دیگر محکموں کی ٹیمیں بھی موجود تھیں۔
سوناواری: محرم الحرام کے پیش نظر انتظامات کا جائزہ
انہوں نے جمعہ کو سونا واری کے مختلف دیہات کا دورہ کیا اور اس دوران وہاں مقامی انتظامیہ کمیٹیوں کے سربراہان سے بات کی۔ اس موقع پر لوگوں نے اپنے مسائل کے حوالے سے نوڈل افسر کو آگاہ کر کے محرم کے متبرک ایام کے دوران بنیادی سہولیات کو یقینی بنانے کے لئے پختہ اقدامات کرنے کی بھی گزراش کی۔