بانڈی پورہ: پی اے جی ڈی کے دونوں امیدوار کامیاب

ضلع بانڈی پورہ میں ڈی ڈی سی چیئرپرسن اور وائس چیئرپرسن انتخابات کے دوران پی اے جی ڈی کے دونوں امیدواروں نے جیت درج کی ہے۔

شمالی کشمیر کے ضلع بانڈی پورہ میں ہفتہ کو منعقد ہوئے ڈی ڈی سی چیئرپرسن اور وائس چیئرپرسن کے انتخابی نتائج کا اعلان کیا گیا۔ ان انتخابات میں نیشنل کانفرنس کے عبدالغنی چیئرپرسن جبکہ پی ڈی پی کی کوثر شفیق وائس چیئرپرسن منتخب ہوئیں۔

ہفتہ کو شمالی کشمیر کے ضلع بانڈی پورہ میں چیئرپرسن اور نائب چیئرپرسن کے لئے ڈسٹرکٹ ڈویلپمنٹ کونسل (ڈی ڈی سی) انتخابات میں عوامی اتحاد برائے گپکار اعلامیہ (پی اے جی ڈی) کے دونوں امیدوار کامیاب ہوئے۔

پولنگ میں کل 13 ووٹوں میں سے عبد الغنی نے 7 ووٹ حاصل کیے جبکہ کوثر شفیق نے 13 میں سے 8 ووٹ حاصل کرکے نشست اپنے نام کیں۔

دونوں کامیاب امیدواروں کو وفاداری و رازداری کا حلف دلایا گیا۔

اس موقع پر پی ڈی پی کے سینئر لیڈر و سابق رکن اسمبلی نظام الدین بٹ نے کامیاب امیدواروں کو مبارکباد پیش کرتے ہوئے گپکار الائنس اتحاد کی سراہنا کی۔