جموں وکشمیر محکمہ جنگلات کے کمشنر سکریٹری سنجیو ورما نے شمالی کشمیر کے ضلع بانڈی پورہ کا دورہ کرکے وولر کنزرویشن منصوبے کی پیش رفت کا جائزہ لیا۔
محکمہ جنگلات نے وولر کنزرویشن منصوبے کے پیش رفت کا جائزہ لیا ان کے ہمراہ ڈاکٹر اویس احمد ڈپٹی کمشنر بانڈی پورہ، چیف کنزرویٹر جنگلات ٹی ربی کمار اور چیف انجینیئر آر اینڈ بی ڈپارٹمنٹ شوکت جیلانی کے علاوہ دیگر محکمہ کے افسران بھی موجود تھے۔
کوآرڈینیٹر وولر کنزرویشن اینڈ منیجمینٹ اتھاریٹی (ڈبلیو سی ایم اے) عرفان رسول نے کمشنر سکریٹری کو وولر جھیل کے مختلف حصوں میں جاری منصوبے کے تحت جاری ڈرینجنگ کے عمل میں ہونے والی پیش رفت سے آگاہ کیا۔
انہوں نے کمشنر سیکرٹری کو آگاہ کیا کہ وولر میں جاری منصوبے کے دوران وولر جھیل سے 3.10 مربع کلومیٹر میں سے 2.6 مربع کلو میٹر کو بحال کیا گیا ہے۔ اس کے علاوہ کمشنر سکریٹری جنگلات نے وولر جھیل کی بہتری کے لیے جاری کام کا بھی جائزہ لیا۔
