کونسلرز کے درمیان رسہ کشی

میونسپل کمیٹی بانڈی پورہ میں پھر ایک بار کونسلرز کے درمیان آپسی رسہ کشی شروع ہوگئی ہے جس دوران میونسپل کمیٹی بانڈی پورہ کے صدر اور نائب صدر کے درمیان عدم اعتماد کی تحریک پیش کی گئی ہے۔

معاملے کی تصدیق کرتے ہوئے میونسپل کمیٹی بانڈی پورہ کے ایکزیکیٹو افسر کا کہنا تھا کہ انھیں عدم اعتماد کے حوالے جو درخواست ملی ہے اور اس پر تیرہ کونسلرز کے دستخط ہیں۔

ایکزیکیٹیو افسر کا مزید کہنا تھا کہ انہوں نے دو جنوری کو تمام کونسلرز کی میٹنگ رکھی ہے تاکہ عدم اعتماد کے حوالے سے فلور ٹیسٹ منعقد کیا جاسکے۔
واضح رہے میونسپل کمیٹی بانڈی پورہ سترہ وارڈز پر مشتمل ہے تاہم دو وارڈوں میں کونسلرز کی نشستیں خالی ہیں اور اس طرح میونسپل کمیٹی بانڈی پورہ میں اس وقت پندرہ منتخب کونسلر ہیں۔