بانڈی پورہ: خستہ حال سڑک عوام کے لیے تکلیف دہ

ضلع بانڈی پورہ کے بونہ محلہ، حاجن کی اندرونی سڑک کی حالت انتہائی خستہ ہو چکی ہے جس کے باعث عوام کو مشکلات کا سامنا کرنا پڑ رہا ہے۔

شمالی کشمیر کے ضلع بانڈی پورہ کے بونہ محلہ، حاجن کی اندرونی سڑک کی خستہ حالی عوام کے لئے مشکلات پیدا کر رہی ہے۔ بانڈی پورہ کے حاجن قصبہ سے منسلک بونہ محلہ گاؤں کی اندرونی سڑک کئی مہینوں سے خستہ حالت میں پڑی ہوئی ہے جس کی وجہ سے مقامی لوگوں کو عبور و مرور میں دشواریوں کا سامنا کرنا پڑ رہا ہے۔

مقامی لوگوں نے بتایا کہ سڑک میں جگہ جگہ بڑے اور گہرے گڑھے ہو گئے ہیں جس کی وجہ سے سڑک پر چلنا دشوار کن ہوتا جا رہا ہے۔

انہوں نے کہا کہ سنہ 2019میں ڈرین کی تعمیر و مرمت کے دوران سڑک انتہائی خستہ ہو گئی اور آج تک اسکی مرمت نہیں کی گئی۔

مقامی باشندوں نے بتایا کہ انہوں نے اس سلسلے میں پہلے بھی کئی دفعہ انتظامیہ کو سڑک کی خستہ حالی کے باعث عوام کو ہو رہی پریشانیوں کے بارے میں آگاہ کیا۔ انکے مطابق عوام کو درپیش مشکلات کا ازلہ کرنے کے لیے انتظامیہ غیر سنجیدہ ہے۔

انہوں نے ضلع انتظامیہ سے سڑک کی مرمت اور میگڈمازیشن کا بھی مطالبہ کیا ہے۔