گریز: سیاحوں کو راغب کرنے کے لیے پیرا گلائیڈنگ کا اہتمام

ایڈونچر ٹورازم کی جانب سیاحوں کو راغب کرنے کے لیے ضلع بانڈی پورہ کے سرحدی قصبہ گریز میں پیرا گلائیڈنگ کا اہتمام کیا گیا۔

شمالی کشمیر کے سرحدی قصبہ گریز میں فوج کی جانب سے پیرا گلائیڈنگ کا اہتمام کیا گیا۔ جشن آزادی کی تقریبات اور ایڈونچر ٹورازم کی جانب سیاحوں کو راغب کرنے کے لیے فوج نے پیرا گلائیڈنگ کا اہتمام کیا۔

اس موقع پر ہماچل پردیش سے آئے سیاحوں اور پیراگلائیڈنگ ٹرینرز نے مقامی باشندوں کو پیرا گلائیڈنگ کے گر سکھائے۔

انہوں نے ضلع انتظامیہ اور فوج کی کاوشوں کی سراہنا کرتے ہوئے کہا کہ گریز پیرا گلائیڈنگ کے لیے موزوں جگہ ہے۔

واضح رہے کہ گریز تعمیر و ترقی کے لحاظ سے کافی پسماندہ علاقہ ہے، تاہم قدرستی حسن سے مالا مال گریز کو سیاحتی نقشے پر لانے اور سیاحوں کو یہاں آنے کے لیے راغب کرنے کی غرض سے کئی اقدامات اٹھائے جارہے ہیں۔