بانڈی پورہ کے سمبل میں دوکمسن لڑکے غرقآب

شمالی کشمیر کے ضلع بانڈی پورہ کے سمبل علاقے میں بدھ کے روز دو کمسن لڑکے دریائے جہلم میں غرقآب ہوئے جن میں سے ایک کو بچایا گیا جبکہ دوسرے کی تلاش جاری ہے۔

ذرائع کے مطابق سمبل کے شلوت علاقے میں بدھ کے روز محمد کفیل اور محمد شفیق نامی دو کمسن لڑکے دریائے جہلم کے کنارے پر کھیل رہے تھے کہ اس دوران دونوں کے پیر پھسل گئے اور وہ دریائے جہلم میں گر گئے۔
انہوں نے بتایا کہ پولیس اور مقامی لوگوں کی بر وقت کاوشوں کے باعث محمد کفیل نامی لڑکے کو بچایا گیا جبکہ محمد شفیق غرقآب ہوا۔
ذرائع نے بتایا کہ شفیق کی تلاش کے لئے بچائو آپریشن جاری ہے۔
یہ بات قابل ذکر ہے کہ ایک ہفتے قبل اسی علاقے میں دو مقامی بچے بھی دریائے جہلم میں غرقآب ہوکر ہلاک ہو گئے تھے۔