بانڈی پورہ میں 45برس سے زائد عمر کی صد فیصد آبادی کا ویکسیشن ہدف مکمل

شمالی کشمیر کے ضلع بانڈی پورہ میں کووڈ19 کی موجودہ صورتحال سے متعلق ڈی سی بانڈی پورہ نے پریس بریفنگ کے دوران کہا کہ ضلع 45برس سے زائد عمر کے سبھی افراد کا ویکسینیشن ہدف مکمل کر لیا گیا ہے۔

ضلع ترقیاتی کمشنر بانڈی پورہ ڈاکٹر اویس احمد نے لوگوں سے ایس او پیز پر سختی سے عمل کرنے کی تلقین کرتے ہوئے نوجوانوں کو کورونا مخالف ویکسین کی خوراک لینے کی اپیل کی ہے۔ وہیں انہوں نے کورونا کی پہلی خوراک لینے والے افراد سے بھی دوسری خوراک جلد از جلد لینے کی تلقین کی۔

ڈی سی بانڈی پورہ نے پریس بریفنگ کے دوران کہا کہ ضلع میں 45برس سے زائد عمر کی صد فیصد آبادی کو کورونا مخالف ویکسین دی جا چکی ہے۔ قابل ذکر ہے ضلع شوپیاں جموں و کشمیر کا پہلا ایسا ضلع ہے جہاں 45برس سے زائد عمر کے افراد کی صد فیصد آبادی کو کورونا مخالف ویکسین دی گئی۔

ضلع میں کورونا کی مجموعی صورتحال سے متعلق تفصیلات فراہم کرتے ہوئے انہوں نے کہا کہ بانڈی پورہ میں مثبت معاملات میں کمی واقع ہو رہی ہے تاہم انہوں نے لوگوں سے ایس او پیز پر عمل کرنے کی بھی تلقین کی۔

انہوں نے عوام سے رہنما خطوط خصوصا ماسک پہننے، ہاتھ صاف رکھنے اور سماجی دوری برقرار رکھنے کی اپیل کی۔